أطلق عدد من النشطاء دعوة على مواقع التواصل الاجتماعى طالبوا فيها كافة المواطنين فى المناطق العشوائية بحمل "زبالتهم" وإلقائها أمام مقار الأحياء بالمناطق العشوائية بسبب التجاهل المتعمد من مسئولى الأحياء بالقيام بعملهم بتنظيف شوارع الأحياء بالمناطق العشوائية.
ويهدف أصحاب الدعوة بتذكير مسئولى الأحياء بأن هناك مواطنين لهم حقوق يجب أن يحصلوا على حقوقهم فى الخدمات التى يدفعون مقابلها أموالا من دخولهم.
الدعوة كانت مبادرة على أحد المقاهى بمنطقة شعبية على لسان أحدى سائقى التاكسيات عندما قال لرواد المقهى "مادام بندفع فلوس الزبالة مع النور واديكم اهو شايفين الزبالة فى كل مكان إيه المانع نجيب عربية نقل ونحط فيها زبالة الشارع ونرميها عند الحى طالما هما مش عاوزين ينضفوا الشوارع خلاص نعيشهم ولو يوم واحد من اللى احنا بنشوفه".
مضيفا "باحلم إنه يوم31-12 يبقى يوم مختلف على العشوائيات ولو مجرد بداية أرجوكم ادعوا الناس للحملة ونفذوها وخلونا نغير المستقبل بإيدنا وكل المطلوب أنك وأنت نازل الصبح أو بالليل أو بأى وقت لو ملقتش صندوق زبالة ولقيت الزبالة فى كل حته قدامك ارمى زبالتك قدام مجلس الحى علشان يتحركوا، احنا من حقنا نعيش أحسن من كدا طالما بندفع فلوس علشان الزبالة ليه بنشوفها فى وشنا ولا هى اتكتبت علينا يعنى ولا إيه، ليه ميبقاش كل أحياء القاهرة وأحياء مصر كلها زى حى جاردن سيتى إيه المانع يعنى واللى فاكر إن دا مستحيل اسأل أهل محافظة قنا إزاى استطاع المحافظ عادل لبيب انه يحول قنا لقطعة من أوروبا بإمكانيات بسيطة الموضوع مش محتاج اجتماعات ودراسات وأجندات ومفيش تغيير وإنما إحنا نجبرهم على التغيير ودا أبسط حقوقنا وأكرر تانى من فضلك لو ملقتش صندوق زبالة قدام بيتك "ارمى زبالتك قدام الحى".
"أنا من حقى أحلم ومن حقى أنفذ حلمى ومن حقى أعيش فى بيئة نظيفة، خصوصا لو بدفع فلوس النظافة دى إلى جانب الضرايب شاركونى حلمى وعرفوا الناس بيه أنتم كمان من حقكم تعيشوا كويس وأقولها للمرة الأخيرة لو نازل بكيس زبالة أو جردل زبالة أو عربية دبش وهدد عمارة ومش لاقى المكان اللى الحى موفره علشان ترمى زبالتك إوعى تضر جارك أو تضر نفسك وترمى الزباله قدام بيتك إنما "ارمى زبالتك قدام الحى".
وحسب صفحة الحملة التى زاد أعضاؤها عن عدة آلاف فإن الهدف الأساسى من الحملة هو أن مصر بداية من يوم 31 ديسمبر المقبل لن تكون هناك زبالة مرمية فى الشارع وتكون بلدنا نظيفة وأن من شهر يناير المقبل سيكون لدينا فى مصر مصانع من أجل اعادة تدوير الزبالة دى (القمامة) منها هنستفيد من الزبالة فى تصنيع حاجات كتيرة ومنتجات وكمان خلق فرص عمل، وكمان بلدنا يكون فيها هواء نظيف.
وطالب القائمون على الدعوة من المواطنيين تقديم أفكار من أجل المساعدة فى استغلال الزبالة "اتطوع وقول فكرة ومصر مليئة بالعلماء والأهم من كدا تنفيذ الأفكار وكل واحد يبدأ بنفسه.
تم وضع ايميل للتواصل مع الحملة يا ترى لو كنت رئيس الدولة كنت هتعمل إيه فى مشكلة الزبالة؟؟؟؟؟
شاركونا الحلم حلم أكتر من60 مليون مصرى عايشين فى العشوائيات
ايميل الحملة clean_egypt2011@yahoo.com
وطالب مسئولو الصفحة كافة المواطنين الراغبين فى المشاركة تزويد الحملة بصور الزبالة وعناوين المناطق المفروض نظافتها مع ضروة كتابة اسم الحى الذى تتبعه المنطقة.
اسم الخبر :
مصر:"نظف بلدك وارمى زبالتك أمام الحى" شعار لإجبار الحكومة على النظافة 
تاريخ الاضافة:
31/08/2011 
الزوار: 839
الصفحة الرئيسية 
السيرة الذاتية للشيخ 
قســـم الفــتاوى 
قتـــاوى الشيخ 
قســـم المقــالات 
مكتبة الكتب 
ركـــن القـصــص 
الدروس الكتابية 
الـــقــران الــكـريم 
المـكتبة الـمــرئية 
الخـطب والـدروس 
ركــن الانـاشــــيد 
ادعــيــة واذكـــــار 
البرامج الاسلامية 
تــواقيـع اسلامية 
خلفيات اسلامية 
ركــن الــفلاشـات 
شـاشــات تــوقف 
الـجـوال الـدعــوي 
دلـــيــل مــواقــع 
مـركــز التحـمــيـل 
الاحــصـــائــيـــات 
ســجــل الــــــزوار 
اخـبـر صــديــقــك 
اتـــصـــل بــــــنـــا